بھارت میں تباہی مچانے والے میزائل کی خصوصیات
بھارت میں تباہی مچانے والے پاکستان کے فتح میزائل کی خصوصیات
اسلام آباد (37 نیوز) – فتح میزائل نے بھارت میں تباہی مچا دی
بھارتی فضائی اڈے، براہموس میزائل ذخیرے، اور دفاعی نظام نشانے پر
اسلام آباد سے موصولہ تفصیلات کے مطابق پاکستان کے جدید اور مہلک فتح میزائل سسٹم نے بھارت میں ہولناک تباہی مچادی ہے۔ اس تباہ کن حملے میں بھارت کے متعدد ہوائی اڈے، حساس دفاعی مراکز، میزائل سسٹمز اور خاص طور پر براہموس سپرسانک میزائل کے ذخیرے مکمل طور پر تباہ ہوگئے ہیں۔
ذرائع کے مطابق یہ کارروائی پاکستان آرمی کے زیرِ استعمال جدید فتح میزائل سسٹم کے ذریعے کی گئی۔ یہ سسٹم تین مختلف رینجز میں دستیاب ہے:
فتح: 100 کلومیٹر تک ہدف کو نشانہ بنانے کی صلاحیت
فتح اول: 120 کلومیٹر تک ہدف کو تباہ کرنے والا میزائل
فتح دوم: 400 کلومیٹر تک مار کرنے والا میزائل
یہ میزائل سسٹم نہ صرف درست نشانے کی صلاحیت رکھتا ہے بلکہ دشمن کی دفاعی لائنز کو بھی مکمل طور پر ناکام بنانے کی طاقت رکھتا ہے۔ دفاعی ماہرین کا کہنا ہے کہ یہ میزائل حملہ پاکستان کی دفاعی صلاحیتوں کا واضح اظہار ہے اور دشمن کو منہ توڑ جواب دینے کی مکمل صلاحیت رکھتا ہے۔
فتح میزائل کا یہ حملہ بھارتی عسکری طاقت پر کاری ضرب کے مترادف ہے، جس نے دشمن کے اعتماد کو شدید نقصان پہنچایا ہے۔
یہ میزائل انرشیل نیویگیشن سسٹم اور گلوبل سیویگیشن سیٹلائٹ سسٹم کے تحت کام کرتا ہے اور دشمن کے علاقے تک کسی بھی بلیسٹک میزائل دفاعی نظام کو دھوکا دیتے ہوئے پوری قوت کے ساتھ اپنے اہداف کو تیر بہ ہدف نشانہ بنانے کی بہترین صلاحیتوں کا حامل ہے۔میزائل لانچنگ ٹرک کے ذریعے اپنے مختص مقام تک لے جایا جاتا ہے اور 2، 4، اور 8 لانچنگ ٹیوبز سے فائر کیے جاتے ہیں۔فتح میزائل سسٹم کو مخصوص طور پر دشمن کی فوج کی نقل و حرکت روکنے، توپ خانے کو ختم کرنے یا انتہائی اہمیت کے حامل تکنیکی اہداف کو نیست و نابود کرنے کے لیے استعمال کیا جاتا ہے۔
Comments
Post a Comment